男神！黃庭鋒碩士畢業即中台慶百萬巨獎
20181120
東網電視
更多新聞短片
終於都捱過咗！
現年30歲的無綫上位男神黃庭鋒尋日（19日）台慶贏咗51萬現金大獎，及獲得額外24份獎品，連同現金獎，總值超過100萬港元，令到早前夥拍前輩譚玉瑛拍攝《香港原味道》嘅佢大受關注，更在即將播出的青春劇《救妻同學會》有唔少戲份！高大靚仔的他深藏不露，曾在國際學校任職體育老師，入行後除了主持節目及拍劇，原來一直在中文大學修讀體育文學碩士課程，近日終於畢業了！
一班圈中好友胡鴻鈞、朱智賢、劉溫馨、蔚雨芯等亦有出席畢業禮，庭鋒說：「原本係用兩年時間修讀，但因為好多時都撞咗工作時間、半工讀壓力亦好大，所以最後延期讀咗兩年半先完成。最深刻係最後嘅課程比較難，但同時間又要做一個新嘅綜藝節目，所以就帶晒筆記同notebook去開工，一邊溫書。」
庭鋒指開工時同事也很希望他能夠畢業，所以每次完成拍攝都督促他溫書，他說：「好多謝公司同同事支持，畀我喺咁艱難嘅情況下都合格，成功畢業，亦多謝爸媽喺我想放棄嘅時候叫我要堅持。」
而好友譚永浩亦有大晒合照，並留言送上恭喜：「碩士鋒！你入行呢兩年，我哋合作咗3個節目加1套劇。今日再見證住你人生嘅一個重要時刻。當初睇住你一路拍節目一路狂咪notes，擔心自己考得唔好，今日終於順利畢業，真心為你高興！恭喜哂！以後嘅路繼續努力！」
----------------------------
東網巨星開咗ig喇，大家快啲follow啦！