網民封美魔男 56歲關禮傑「律師考牌」

2018年11月20日 14:37
東網電視
更多新聞短片
56歲關禮傑被網民封為美魔男,他大讚黃日華好錫太太梁潔華。

藝人關禮傑到電台宣傳無綫熱播台慶劇《是咁的,法官閣下》,對於有網民大讚同黃智賢HeHe味濃,劇情又抵死搞笑,他不禁笑言是特別的化學作用,很有效果,又大讚編劇寫每個人物關係都好準確,加上劇中大舉「貼地」實例作故事,令劇情更細膩。

冇「飛紙仔」情況

這是關禮傑首次在港劇飾演律師,開始時唔習慣:「之前喺新加坡都演過一次,但就要配音,今次一到上法庭嘅台詞係有一定次序,起初都有啲吃力,都考到自己覺得辛苦,不過慢慢就適應咗個語言,個節奏就好好多。」由於拍攝時間緊湊,開拍前已準備好全部劇本,期間絕冇「飛紙仔」情況,有段時間仲拍到聲沙,有不少辛酸事。

努力操肌撼小鮮肉

有網民大讚56歲的他是新一代「美魔男」,關禮傑謙虛回答,由於平時好注重飲食同做運動,自嘲好貪靚,最近拍攝《機場特警》面對一大班小鮮肉演員要密密加操:「當然冇佢哋操得咁勁,但都辛苦。(都要除衫?)我話唔得㗎!但都係要着短袖衫,好似回味緊拍《新紮師兄》咁,不過依家就係要做阿Sir。」問有動作場面?他表示拍畢廠景就會拍動作戲:「希望有啲突破性,唔係跳天台就跳飛機啦!因為就嚟旅遊季節,機場景都希望今個月完成。」

黃日華好錫梁潔華

提起好友黃日華太太梁潔華傳出舊病復發,問可有慰問?他指最近逢星期三踢波都有見到黃日華,亦都有慰問師姐:「華哥都話冇事、有心,佢都好錫師姐,見到佢都好開朗,可能師姐慢慢好番,佢心情都放低番。」



----------------------------
東網巨星開咗ig喇,大家快啲follow啦!
https://bit.ly/2JjSVcr