東網電視
更多新聞短片
洪卓立話佢唔係好空虛喎！
1/3
歌手洪卓立（Ken）早前宣布與拍拖11年的湯怡分手，他今日到旺角出席打機活動，見他心情好像已較為平復，他表示首次在彌敦道唱《彌敦道》，感到幾震撼。問到現時可會藉打機來填補空虛？他避談說：「我又唔係好空虛喎。（心情好番啲？）都係做嘢。（唔怕人哋話佢藉打機嚟醫情傷？）唔理啦，咩都有人講，控制唔到，做番自己要做嘅嘢。」
他亦謂現時正準備新歌，希望1月會出新歌，問到可會避免唱傷心的歌？他謂：「唔知會唱咩歌，又唔會避開啲咩，可能會唱關於打機嘅歌都唔奇。」問到趁有空檔可會去旅行散心？他說：「唔會啦，因為我想減肥，去旅行減唔到肥，因為12月底內地有個騷。（想減幾多？）希望去番同吳浩康開騷嘅時候咁。」
問到打機可會爆粗？他說：「梗係會啦，在所難免。（開直播唔怕？）依家講粗口都唔係傷天害理，有限度嘅講粗口都係正常，忍住唔講反而唔好。」
----------------------------
東網巨星開咗ig喇，大家快啲follow啦！
咁就掂啦！
洪卓立在彌敦道唱《彌敦道》。
