On Call等約 劉心悠封馬浚偉做心中視帝

2018年11月27日 19:51
東網電視
更多新聞短片
劉心悠好開心可以同馬浚偉合作,他是自己心中的視帝。

藝人劉心悠出席活動時透露,在求學時期已儲錢買了品牌鋼筆,感覺寫出來的字特別貴重。問可曾送名筆給男朋友?她笑說:「冇送過筆,但煮過嘢食,我煮嘢食好差,如果我肯煮,就係一件好特別嘅事,我記得係煎三文魚,有少少Overcook,有焦味都OK,但我已經唔記得嗰日係佢生日定我生日喇。」

問現時單身,聖誕節可有與男士約會?她說:「大家可以約我啦,我14號有個show,24號就係聖誕節,大家可以約埋一齊一次過搞一個聖誕Party。(到時物色對象?)出席嘅都係一啲好Close嘅朋友,識咗好多年,呢一刻我唔想結識新朋友。(咁喺舊朋友當中發掘?)今日唔知聽日事,唔發生嘅點諗都唔會發生。」

「 I Love Him」

此外,講到跟她合作《宮心計2深宮計》的馬浚偉未能入圍角逐台慶最佳男主角獎?心悠表示:「佢喺我心目中已經係最佳男主角,當時拍劇相處咗四、五個月,日日都見到,佢係一個好努力嘅人, I Love Him。」

講到馬浚偉因沒有入圍而引起外界揣測?心悠表示:「佢喺我心目中已經攞咗獎,咁獎項冇得預設嘅。(你自己都冇份提名?)有得同佢哋合作已經好好,我未試過不停咁拍嘢,語言都係一個好大嘅挑戰,當時好似入咗訓練營咁,好感恩,已經似攞咗獎。」


----------------------------
東網巨星開咗ig喇,大家快啲follow啦!
https://bit.ly/2JjSVcr