【閨蜜睡房】同阿Sa更親！周勵淇信是有緣

最近獲頒華鼎獎視后的周勵淇（Niki），為東網巨星節目「海馬牌床褥特約」《閨蜜睡房》擔任嘉賓，一連三集與主持人李惠儀（Kiwi）暢談內心世界。講到入行經過，她表示當初是與謝霆鋒拍廣告而入行，之後作歌影視發展。提到簽約英皇，她笑言因老闆楊受成及經理人霍汶希好人：「今次合作時機好好，我兜咗一個圈，依家再同英皇藝人合作，感覺好特別！」

冇想過做藝人

與蔡卓妍（阿Sa）是好朋友的她，否認因為對方而加入英皇：「我哋識咗十幾年，如果係咁一早就簽咗，唔會依家簽，呢個係緣分。我記得同佢講嘅時候，佢好開心，仲話『早就簽啦』！」她還自爆入行前不是想做藝人，反而計劃做另一種職業，到底是甚麼呢？

挑戰第二專長

講到自己的缺點，Niki直認要求高：「演戲同唱歌係會一世流傳，唔想件事有瑕疵，想用100%能力做好佢。」工作一直順風順水的她，原來曾經想過轉行：「做呢行一定會有少少挫折，唔係因為嬲而唔做，而係除咗呢樣嘢，我可唔可以挑戰第二樣嘢呢？有冇第二個專長呢？」近年轉戰內地發展的她，表示香港跟內地的天氣、飲食文化不同，故北上工作時會做足準備工夫，想知道是甚麼？星期五、六、日記得收睇《閨蜜睡房》！

Outfit：Theory