劉穎鏇否認無綫禁同胡㻗發展:知我哋咩事

2018年12月08日 17:36
東網電視
更多新聞短片
其實真係可以諗諗佢啵。

藝人江嘉敏(Kaman)及劉穎鏇(Tiffany)到尖沙咀出席聖誕活動,除了獻唱歌曲,又與粉絲玩遊戲。Kaman與Tiffany不停又攬又錫,盡顯姊妹情深!受訪時,Tiffany透露聖誕期間會與粉絲聚會,Kaman自言也想搞粉絲聚會,還想請Tiffany做特別嘉賓,又自認是對方粉絲。提到Tiffany社交平台粉絲激增,她表示很多人因為劇集《兄弟》而留意自己:「希望同收視一樣上升。(派吓福利?)我會影多啲靚相,我同Kaman互相幫大家影,喺英國影過床照!(影Bikini相?)依家冬天我怕凍,其實係長期收埋。」Kaman則自嘲沒睇頭:「唔好搞我啦!」

撐胡㻗尊重自己

對於有報道指無綫不想Tiffany及胡㻗發展,她就坦言愕然:「因為我由頭到尾都澄清我哋係好朋友,唔知點解作到咁多故事。(公司有冇叫你哋少啲見?)公司唔會特別咁講,佢哋好明白我哋發生咗咩事。(胡㻗話以後車你返屋企要避忌啲?)係咩?我唔知佢咁講,可能想尊重大家,費事影響大家嘅工作。」

自爆仲未買聖誕禮物贈男友

而問到Kaman聖誕是否二人世界?她就表示要拍攝劇集《殺手》:「應該冇假放。(叫男友探班?)唔好啦,佢要返工。(買禮物未?)未呀,未諗。(唔陪男友,佢會唔開心嗎?)唔會嘅,兩個人一齊,每日都可以好開心。(之後去旅行補數?)我要拍劇同綜藝節目,遲啲先諗。」