粉絲勁Buy！姜濤@MIRROR玩遊戲都要照鏡
20181209
東網電視
更多新聞短片
姜濤玩遊戲都要照鏡。
組合MIRROR到元朗出席ViuTV新綜藝節目《Good Night Show MIRROR Go》發布會，隊長Lokman因拍電影而未有現身。其他成員與粉絲玩「以訛傳訛」遊戲，有粉絲乘機跟各成員握手，而姜濤玩「收買佬」時則不忘用手機自拍和照鏡，引得全場瘋狂大叫！受訪時，Anson Kong指他們為節目到不同地方玩遊戲和接受挑戰，輸了就要受罰。Ian大呻個個都被罰得很慘：「就算贏咗都有暗啞底嘅懲罰，有時玩緊已經係懲罰，輸咗又有大懲罰。（投訴公司？）又唔係，都Enjoy嘅，未玩過呢啲嘢，又第一次食蟲！」
姜濤被爆勁搵方法照鏡
問到誰最醒？Alton認為真正醒的人並不會讓人知道，Edan卻搶着自認：「通常我用智力解決，因為體力上解決唔到，但最終都係輸。」其他成員卻笑着質疑他是否有智力，更投訴他不斷為隊友樹敵，Anson Kong直言：「Edan咁多集贏嘅機率係0%，不過我都係！」Jeremy就讚Alton最醒，除了有力量，轉數亦很快。至於姜濤可有放下偶像包袱？他坦言每一集也對包袱重新定義：「每集都要做好多之前絕對唔會做嘅嘢，冇辦法。（例如？）跳笨豬跳同食好多唔係人食嘅嘢。（有冇得照鏡？）已經唔會再Care照鏡！」但Anson Lo卻踢爆他無論如何仍會找到方法照鏡。提到即將舉行的演唱會，Anson Lo表示排練已到最後階段：「之後會同樂隊夾。（有冇邊個未夠熟練？）我諗大家都係，因為仲有好多嘢要排。」
----------------------------
東網巨星開咗ig喇，大家快啲follow啦！