東網電視
更多新聞短片
放假啫，都要咁「上身」？
1/2
藝人張頴康喺無綫新劇《解決師》中飾演「Man Sir」一角，套劇啱啱拍完，終於有時間放假，佢就同埋太太麥雅緻帶一對仔女出街共享天倫，點知又咁啱撞到同劇飾演「太子」一角嘅李天翔，真係約埋都無咁啱喎。
兩個大男人繼續「投入」角色，整張合照放社交網，張頴康話：「巧遇太子！你做乜仲跟蹤我啫？仲想報仇呀？拍完喇，你冇機會㗎喇。」而李天翔都唔客氣話「太子同Man sir，始終恩怨未了。」
張頴康（左一）湊住一家大細，都仲要撞到李天翔（後排右一），真係緣分！
