認命唔識揀　李佳芯逐步捱到出頭天

入無綫6年，藝人李佳芯（Ali）由6集劇份開始，一步一步躍升為女主角，去年更榮升新加坡視后，演技開始受肯定。今年Ali憑劇集《BB來了》入圍《萬千星輝頒獎典禮2018》「最佳女主角」及「最受歡迎電視女角色」，飾演新手媽媽的她，在劇中不乏情緒起伏戲份，但她處理得不慍不火，絕對有實力爭視后。

有苦自己知

雖然鏡頭前Ali出盡氣力與「奶奶」嗌交，但背後有苦自己知，皆因她當時剛完成大手術一個月，身體尚未完全康復，幸好劇組多番遷就，令其減輕不少負擔，她謂：「頭一個都係拍文戲，因為狀態真係好差，每一集都要發癲，真係冇信心做到，好在劇組肯就我，同埋拍檔黎諾懿EQ好高。」對於以往演狐狸精被定型，Ali不諱言平時個性較靜，起初演戲時未有太放，後來才發現可透過角色與觀眾溝通，轉了另一方法演繹，反而更心應手，她謂：「我個人唔識計劃同爭取、唔識拉票，反而冇得揀又出到啲嘢，呢一年條路就係咁。以前有得揀都唔識揀，演狐狸精都唔會推、咪做囉！死磨角色，可能條命係唔可以畀我揀嘅。」

對獎項冇野心

已有一個視后獎在手的她，坦言向來對獎項沒有野心，惟有不少外間聲音支持，令她也不停反問自己，是否應該對自己有信心？她說：「今年信心係三分一，因為煒哥（陳煒）同智雯（黃智雯）都係我喜歡嘅演員，智雯同我都係做實事嘅人，煒哥未合作過，私下見過佢、係好好嘅前輩，做奸角好盡，係好演員，會尊重角色。（好難揀？）對自己都要畀credit。（再攞視后會結婚？）兩樣嘢唔需要掛勾，大家都拼博緊，係適合就自然會發生，又唔係趕住生仔。」

身體響警號

近兩年共拍下6部劇的她，雖然帶來名利，但同時間令身體響警號，Ali直言現時98%時間放在工作，漸漸忽略與家人及朋友相處的時間，她說：「以前會逼到自己好盡、逼自己喊，身體差令我學識用另一方法對待自己，因為情緒唔處理好，效果都唔會好，所以依家會用舒服嘅方法對自己。」

服裝：Maje