為HMV清盤嘆息 謝安琪認唱片業難經營

2018年12月18日 19:49
東網電視
更多新聞短片
Kay坦承唱片業難經營,所以更尊敬仍然努力做音樂嘅人!

HMV數碼中國今日傳來清盤消息,剛與老闆麥浚龍(Juno)合作推出新碟的謝安琪(Kay)表示今早才得悉,對於新碟是否有影響還是未知之數。她感慨指這是一個沉重的話題,自己身為唱片行業一份子,覺得好唏噓:「自己私下好鍾意行唱片舖,要有一定大規模嘅唱片舖先會提供試聽碟。(覺得唱片業難經營?)難經營咗好多年,所以對仍然咁努力做音樂嘅人都好尊敬,依家我哋出碟係花好多功本,雖然出碟都係一門生意,但我哋唔係用一門生意嘅理念去做,希望有多啲方法去吸引樂迷疼錫香港樂壇、支持本地唱片。」

問她會否考慮之後派歌全面轉成數碼化?Kay坦言:「唔希望見到呢個情況,到現時都係好畀心機去搵方法求存、求變,因為實體碟可以表達完整做音樂嘅概念、質感,冇咗實體碟就少咗個角度去欣賞。」講到老公張繼聰亦是HMV旗下的藝人,Kay則表示他未有受影響:「因為佢係電影部,冇直接嘅關係,但詳細情況都要問番佢。」