隨時戴面具攞獎 曾樂彤衝大滿貫信心爆棚

2018年12月20日 15:01
東網電視
更多新聞短片
曾樂彤對奪得樂壇新人大滿貫信心十足!

樂壇新人曾樂彤出席籌款騷《慈善星輝仁濟夜》記者會,她預告屆時會獻唱,這是首次單人在籌款騷演出:「之前會同前輩合作,今次就自己一個,希望壓到吓台,有少少進步。」

講到日前於頒獎禮上先拔頭籌奪新人獎,她自爆上台一刻緊張到狂標汗:「前一日公司同事問我緊唔緊張,我都話冇乜嘢、平常心,但去到現場,聽到我個名上台時就標汗,感覺好唔同,準備講得獎感言時又好驚講錯嘢。(冇諗定講咩?)諗咗都驚漏口、一片空白,好彩都講得晒,啲同事笑我似講Rap。」

問可有信心大滿貫?曾樂彤自信有,並指獎項攞得愈多愈好,會抱住樂觀的心態面對:「覺得攞獎唔淨係屬於自己,喺呢年有好多同事都好幫手,係帶住我成長嘅成果,拎到獎都會對公司有好大鼓舞。」她已經準備好戰衣,希望會令大家眼前一亮。問到可會性感?她抵死自嘲:「冇嘢Sexy,我上次都樽領,冇得再封,除非戴面具!」