【元旦BB】湊夠好字　阿緯再做爸爸喇！

台灣偶像團體Lollipop@F（棒棒堂）出身嘅阿緯（劉峻緯）再做爸爸喇，囝囝仲係元旦寶寶添！佢喺facebook分享喜訊，上載幾張照片，包括囝囝嘅打喊露搞笑相，而升呢做家姐嘅囡囡錢錢望住細佬時一面滿足！阿緯就留言：「過了一個晚上，還是覺得很開心。」網民都紛紛送上祝福！<br/><br/>阿緯2016年同董事長千金「豆豆」結婚，同年底生咗愛女！如今2年多啲就抱兩，仲成功湊成好字，真係犀利呀！