東網電視
更多新聞短片

無綫放出《大帥哥》嘅NG片段,原來戲裏戲外都一樣咁好笑~
1/7
無綫重頭劇《大帥哥》即將進入結局周,劇情愈嚟愈激,由藝人譚凱琪飾演嘅「天嬌」,被「馬炭」洪永城殺害嗰幕,睇到成班觀眾眼濕濕,搞到網民紛紛話「還我天嬌」!為咗緩和氣氛,無綫就喺社交網專頁上載咗一連串《大帥哥》嘅蝦碌花絮片,大放笑彈。
由張衞健(Dicky)飾演嘅「大帥哥」風流倜儻,娶咗三個靚老婆,原來鏡頭後嘅Dicky一樣口花花,連阿婆都唔放過!其中一場戲,講述「大帥哥」率領手下圍住一位婆婆,Dicky突然使出冧女必殺技,唔單止叫婆婆做「?妹」,當佢望住婆婆時仲爆肚話:「阿婆,幾耐冇『打茄輪』?」即時氹到婆婆心花怒放,咁識氹女仔,唔怪得咩年紀嘅女士都咁鍾意呢位「大帥哥」啦!
雖然Dicky平時把口?過油咁,但原來佢亦有「佛都有火」嘅一面!事緣有次佢大讚一位幕後同事照顧周到,對方就搞笑指由細睇住Dicky啲戲大,Dicky即刻被辣㷫,向對方連珠炮發:「咩叫由細睇到大?你話經常睇、成日睇、你部部戲我都睇,咁得唔得呀?」令全場工作人員爆笑。唔少網友表示《大帥哥》戲裏戲外都咁好笑,不愧係「神劇」!
網民有話兒:
Jxxk Cxxn:NG片最好看
WxxnSxxm Sxxu:張衞健NG片段都咁搞笑!
Laxxxi Chxn:艾妞!你好好戲~~
sxxrfxxe:天嬌你死得好慘呀!!!

先有「艾妞」忍唔住笑場。

表情多多,同佢做對手戲好難唔笑!

Dicky連阿婆都唔放過!

幕後同事一句話辣㷫Dicky。

口花花~

Dicky即刻一輪嘴發炮!