東網電視
更多新聞短片
傅嘉莉同許家傑第一次合作。
1/9
藝人傅嘉莉（Kelly）與許家傑（Jack）到將軍澳拍攝新劇《極道怪咖》，飾演黑幫二家姐的Kelly，被舊情人Jack再追求，兩人在車中更有蜻蜓點水式錫錫，原來今次是他們第一次合作兼是第一場對手戲，就已經要拍咀戲，難怪兩人都心情緊張！許家傑說：「真係幾大挑戰，原本諗住後啲先錫，但佢好信得過嘅。（有冇咩準備？）佢飲咗人參茶，我就飲咗黑糖薑茶，可能兩種溝埋一齊會有固本培元嘅感覺，強身健體啦！」近年許家傑飾演的「送水輝」跟「大小姐」林淑敏愛得難捨難離，問大小姐還是Kelly比較好錫？許家傑直言原來未同過「大小姐」林淑敏拍咀嘴戲。
Kelly表示近日被髮型師發現甩頭髮，笑言可能因為要準備拍咀戲而太大壓力。講到今日生日都要開工，她認為是種福氣：「一大班人一齊過，同大家影吓相留念啦，而且之前都同Fans慶祝咗，佢哋送咗蛋糕同紅玫瑰畀我，已經好開心。（追求者呢？）未覺呀，睇吓邊個第一個Send Message畀我，呢啲係加分嘅。」
----------------------------
東網巨星開咗ig喇，大家快啲follow啦！
第一場對手戲就要咀！
交晒戲！
咁就放鬆啲啦！
好Sweet喎！
傅嘉莉同許家傑拍咀戲前都做足準備。
原來許家傑未同過「大小姐」咀嘴。
搞掂！
傅嘉莉壓力大到甩頭髮。
