獨立宣言!34歲沈卓盈等啱Timing就結婚

20190109
東網電視
更多新聞短片
做個獨立嘅女人!
1/9
現年34歲的藝人沈卓盈於2002年參加第四屆《TVB周刊》Cover Girl選舉獲得冠軍,自此加入無綫,一入就16年,但日前她突然宣布離開娘家,對此她表示:「有好多回憶同經歷,喺呢段時間試過主持同拍劇,但去到樽頸位,唔識進步。」她自言為了令自己更有動力向前走,所以最終選擇離開,但其實這個決定她足足花了一年時間去考慮:「呢一年得到好多朋友支持,男朋友亦好支持我。」
拒絕簽約新公司
講到跟男友Calvin拍拖三年多,如今工作又有新轉變,下一步是否拉埋天窗?她坦言:「向呢個方向行,只係Timing問題。」又大讚男友這一年來給予她無條件支持,令她很有安全感,又謂每個階段取向不同,現時拍拖只要求對方簡單陪伴便已足夠:「管接管送嗰啲我唔需要,自己都好獨立。」除了情感上表現獨立,她指工作上亦需要獨立,故離巢後有公司接觸她,她都拒絕簽約。
入行慳到依家
問到離開無綫,是否因欠缺當女主角的機會?她作出否認:「唔係,反而好感激TVB栽培,令我有更多磨練演技嘅機會。」不過入行多年,沈大師自覺有一件事愧對家人:「2016年爸爸患病,自己拍緊兩套劇,爸爸決定受浸,我諗住可以抽Lunch時間見證呢個咁有意義嘅時刻,但最終因為拍攝去唔到,要屋企人影低過程畀我睇,我覺得好遺憾。」她又重提剛入行時,爸爸給她一千元壓袋,為了回饋家人的愛,縱使當時只得數千元底薪,她亦會給父母一半當家用,她說:「我係好樂觀嘅人,唔覺辛酸,賺到錢已經好開心,自己由入行到依家都咁慳,屋企人咁辛苦照顧我,大個女要用自己力量照顧佢哋。(試過經濟拮据?)我好量入為出,試過同朋友借衫、借化妝品度過入行頭幾年。」
鳴謝:Barry@relaxdearhk
場地: 和牛燒肉 純
工作上獨立。
沈卓盈對男朋友有讚冇彈。
沈卓盈晒自己嘅畫作,好有才華呢!
愛情上都要獨立。
講到家庭,冇見證爸爸受浸,令佢留有遺憾。
沈卓盈唔知將來有咩工作呢?
講到結婚,佢話依家只差Timing。
沈卓盈做人好樂觀,唔會覺得辛酸。