一部電影拍足3年！仙樂都竟然話...

藝人「仙樂都」吳堯堯（YoYo）2016年主演嘅驚慄電影《屍小姐Z》，由於鏡頭過分血腥，最近多拍另一個版本，主力打入內地市場，整部電影拍咗長達三年！因為補拍鏡頭，飾演「屍小姐」嘅YoYo要剪番流海頭型：「好耐冇剪流海喇！當然想拍多幾個版本，拍埋前傳更好，希望長拍長有！」YoYo大讚導演梁成致嘅電影題材非常貼地、好寫實，正正反映香港本地現況：「雖然唔係幾千萬嘅大製作，但好榮幸有機會拍攝到咁地道嘅本地製作，可以讓全球嘅觀眾無論喺DVD上或網絡上都可以睇到港味十足嘅電影。」

導演梁成致表示鑑於內地市場對恐怖劇情題材審查比較嚴格，所以有個機會可以重拍加長版好難得：「因為之前版本中我同YoYo冇對手戲，而電影中亦會解釋會有仙樂都呢個角色，以及同電影中其他角色人物嘅關係，加咗唔少動作同文戲。」