【鬼食泥】新人謝文欣喊到震驚800萬香港人

勁歌總選終於有亮點！頒新人獎時繼薛家燕晒Rap功震撼800萬人後，繼而有新人謝文欣連環出彩，當佢知道攞最受歡迎新人獎後，哭得梨花帶雨，講得獎感受時，哽咽到橫隔膜抽搐，講到一舊舊，佢話：「以前我喺下面睇，依家可以上到台，依家屋企人嚟到，媽咪坐喺嗰度。」真係小啲聽力都聽唔到佢講乜，就連主持人區永權都忍唔住話：「我真係聽唔到你講乜。」

謝文欣呢一喊威力真係太犀利，在場所有人都被佢嚇呆，包括另一頒獎嘉賓胡楓，仲唔小心踩到謝文欣條裙，爭啲搞到佢仆喺度。