【娛場】抗癌留後遺　張達明為兒女而活

「面對死亡，真係好恐怖，如果我冇人冇物，可能已經放棄啦！但為咗我對仔女，幾辛苦都要捱落去，活多一天得一天呀嘛！」張達明說。

由張達明自監自編自演的電影《家和萬事驚》即將上映，今次亦是他鼻咽癌得以控制後首次演的重要角色，達明笑說：「真係方法演技，啱晒我，我手腳麻痹遲早都要坐輪椅，用筷子時手會唔受控制，震震下，啱晒個老伯角色呀！」他表示劇本是他在26年前創作的舞台劇：「估唔到到咗今日，我哋仍然面對緊同樣嘅問題！人工唔加，樓價就上升到癲咗！生活喺香港，真係好困難！」

而講到成功抗癌，卻碰中了鉑金毒，達明話：「基本上癌症嚟講冇乜事，因為西醫角色嚟講，五年冇復發就ok，依家都第六年，而喺化療期間我金屬中毒，令到手腳長期麻痹，暫時都醫唔好，但好感動好多朋友鼓勵我，好似吳鎮宇就帶我睇唔同醫生，發哥周潤發就迫我去跑步，真係好多謝佢哋。」家庭和家人的支持和關愛，可以對抗任何的逆境，想聽達明親自剖白，立即收看【娛場】啦！