選韓團扮後生!36歲黃智雯同鮮肉堆冇代溝

20190116
東網電視
更多新聞短片
36歲扮15歲!都仲有人信?
去年成為新加坡與馬來西亞雙料視后嘅黃智雯(Mandy),唔單止有演技,仲練得一身好「舞功」,認真厲害!早前佢仲去到韓國拍攝跳舞真人騷《一個因去跳舞》,以「超齡」姿態體驗女團特訓生活,節目播出後大受歡迎,Mandy呢日就喺網上同大家分享當中嘅辛酸事,真係一啲都唔容易!
片中,Mandy話自己去韓國前一句韓文都唔識,身旁嘅趙希洛就叫Mandy講幾句嚟聽,見到佢都講得幾流利,不過只限3句,之間就亂咁嚟,都唔知講咩。佢仲話嚟緊播出嘅內容就會混入堆小鮮肉中,年齡平均13至18歲,嘩!好細個喎!現時36歲嘅Mandy仲大爆呢班小鮮肉一開始估佢20歲,不過佢死口唔認,仲話自己只得15歲,令大家相當驚訝!雖然Mandy年紀上同佢哋有啲距離,但佢話大家一啲代溝都冇,仲打成一片,相處得好開心!
另外,Mandy仲分享咗辛酸事:「拍攝MV時要喺戶外拍,要除咗啲厚褸同暖包,真係凍到不得了!再加上生病後,每次想用energy跳就會不停咳,好辛苦!好想返香港見屋企人同朋友。」但佢都冇放棄繼續撐落去。網民聽見後都話心痛,而呢個辛苦經歷亦成為Mandy一個難忘嘅回憶,佢仲話嚟緊會以真素顏零化妝出鏡,大家都話好欣賞Mandy嘅堅持同認真,絕對會支持佢呢個節目添!
網民有話兒:
TICCXX BWWXl:Mandy好嘢!
PCHISDXX GIAAX:20歲,又好似太誇張。
RISAXX NIXX:好欣賞Mandy嘅堅持,一定睇。
JASNNCX KXX:喺韓國做女團真係一啲都唔容易。
----------------------------
東網巨星開咗ig喇,大家快啲follow啦!