探訪老友記！仙樂都練懷舊歌贈興

藝人「仙樂都」吳堯堯（YoYo）近日去探訪一間有五萬尺大嘅老人院，當日佢同一班老公公、老婆婆玩遊戲，仲向一班老友記致送紀念品，YoYo表示：「趁住新年前同老人家搞個party仔！遊戲方面就唔係太激烈，因為當中有十一位老人家已經超過100歲，好犀利！」

此外，YoYo仲即場獻唱一曲，氹得一班老人家非常高興！佢話：「我唔係好識唱老人家嘅歌，當日唱咗許冠傑嘅《心裏日記》，如果唱得太年輕嘅歌，佢哋唔識，所以我要學多幾首老人家嘅歌，嚟緊諗住練《路邊的野花不要採》，老人家又識，又開心喜慶！」