要大唔要細！祖藍掉低B女同李亞男歎世界

藝人王祖藍現身深水埗出席「香港寬頻 x myTV SUPER《你咪理，我愛你！》落區跳『喜』」活動，與途人互動和寫揮春，落力宣傳新戲。他坦言不慢怠慢，會四出謝票及宣傳，新年都要照開工：「會一直做到2月14日情人節，因為嗰日係我同太太（李亞男）結婚周年，我哋會飛去日本，佢坐完月，食得生冷嘢。（會唔會唔捨得B女？）唔捨得都要捨得。要錫住太太先，佢做媽咪最大壓力，唔想佢日日對住（囡囡）咁大壓力。」他又表示太太會在其電影的首映中現身撐場，正式出關：「佢好想喺戲院睇，其實套戲佢睇過好多次，不過係喺睡房睇。」

首次執導的他亦非常緊張票房：「今年太多大片，我哋呢套係歌舞片，係新嘗試，不過都好有信心，因為我哋係唯一一套歌舞片，香港咁耐以來都未試過有歌舞賀歲片。（預期有幾多票房？）唔夠膽講。（邊套戲係最大對手？）全部都係對手。個個都咁勁。不過要贏人先贏自己，希望贏到個口碑先。」