39歲胡杏兒晒超聲波相宣布佗二胎

2019年01月29日 11:36
東網電視
更多新聞短片
胡杏兒佗二胎,成功追到豬B!

藝人胡杏兒早前出席活動時身形發福、孕味濃,估唔到佢真係有咗!今日杏兒老公李乘德(Phil)上載一張老婆同囝囝李奕霆(Brendan)玩嘅相,見Brendan指住媽媽個肚,而Phil就留言表示囝囝就快有新嘅玩伴,正式公布杏兒佗二胎。三年抱兩,恭喜晒!杏兒亦隨即喺社交網晒出一張超聲波相,並留言:「豬寶寶终於加入,李氏農場可以開張了!」

對於成功追多個B,杏兒表示:「真係好開心!生到豬BB ,真係湊夠開農場。上次佗住Brendan又係開緊工,今次佗住BB又係拍緊劇,可能BB旺媽咪工作,想陪住我開工,但今次拍到2月尾就完成拍攝,所以還好,只係今次孕吐感覺比較強烈,成日冇乜胃口。我拍完呢部劇之後就應該會留喺香港,既可多啲時間陪伴Brendan,又可繼續接一啲輕鬆而又應付得來的嘅作。最後,亦係最緊要、最想就係BB健康同平安!多謝大家祝福。」