基斯頓比爾增肥50磅演活副總統　全靠食呢啲

荷里活著名男星基斯頓比爾（Christian Bale）憑新片《為副不仁》（Vice）美國副總統切尼（Dick Cheney）一角而再獲提名奧斯卡最佳男主角。為了將切尼「神還原」，基斯頓再次增肥逾50磅演出！之前已多次為電影增肥減肥的基斯頓表示今次都係用同一方法增肥，就係食蛋同飯！他說：「每餐都係一碗飯食15隻蛋。呢個絕對係享受完全冇間斷嘅樂趣，不過當你食食下就覺得幾厭倦。但咁樣增肥絕對可以幫助到我演個角色。」雖然在增肥呢方面訓練有數，但基斯頓亦透露今次首次搵營養師協助，畢竟他的年紀已漸大要顧及健康。<br/><br/>而最搞笑就係原來早於2008年，基斯頓被睇中在傳記片《W殊不簡單》（W.）中飾演喬治布殊（George W. Bush ）一角，但後來他辭演由男星佐斯布連（Josh Brolin）頂上。今次他終於可以在《為》飾演布殊的副總統切尼。