化妝似畫3D畫　薛凱琪2分鐘就搞掂見人

歌手薛凱琪日前為唇膏廣告，為配合「閨蜜」主題，她找來好姊妹鄭融齊齊拍攝，她笑言：「拍攝嘅時候真係好好玩。因為我哋又玩吹泡泡，又拉住手轉圈圈都可以笑到癲咗，因為我哋轉嘅時候都會喺背住鏡頭嗰一秒鐘做啲鬼臉引對方笑！如果每次開工都有個閨蜜一齊陪住，因為感覺幾幸福。」

今次酬勞不錯，她坦言自細對化妝品有興趣：「因為我小朋友嗰陣想做畫家，會偷媽咪化妝品去畫畫，加上我又唔愛錫佢哋玩到爛晒，成日畀媽咪鬧！到大個之後都鍾意化妝，我覺得每次化妝都好似畫緊3D畫咁，喺塊面度畫自己鍾意嘅畫。」她笑言依家「工多藝熟」，五分鐘就可完成「萬聖節」化妝：「可能平日比較懶，我試過坐車兩分鐘就搞掂去做訪問。近年興『自然美』，所以化妝都以自然風格為主，除非當日要做騷上台就會誇張少少。我覺得每一個女仔都要懂得去愛自己，每一個女仔喺我心目中都有佢自己獨特美麗嘅一面，而化妝品係用嚟突顯佢哋本身嘅氣質。」