【冬天＋流感】方力申游泳學校蝕錢：慘淡

藝人方力申（小方）出席慈善活動，表示已做了15年大使，本身來不到活動，要去內地拍戲，但因取消了，故可以出席。問到新年怎樣過？他表示會回北京探親：「公公同舅父喺嗰邊。（親戚會唔會催婚？）放棄咗啦，親戚嘅仔女都已經結婚同生小朋友，所以已經唔會再有心去催我，因為佢哋要湊孫。」問到以前可有帶過女朋友到北京探親？他就避談：「過咗去嘅嘢唔好提啦。」問到親戚可會介紹女仔畀他識？他表示接受不到異地戀：「我係重色輕友嘅人。」<br/><br/>講到新一年工作大計，小方希望游泳學校可以上軌道、收支平衡，笑言：「呢度咁多小朋友，可以派吓卡片先，創業真係好難。」問到學校現時可是蝕緊錢？他坦言：「係呀，依家仲要係冬天，又有流感，簡直慘淡，不過我開咗未夠1年，依家係守業，蝕都蝕得開心，可以令小朋友學識游水。（搵到你嘅『接班人』未？）有，小朋友18個月就已經可以開始游水，佢哋跳落去唔驚水，好犀利，當然後天努力都重要。」