東網電視
更多新聞短片

恭喜晒!
1/10
今日情人節,35歲嘅李彩華喺微博宣布婚訊,佢留言:「Rain + Eric = Mr & Mrs Huang 」佢晒出兩人嘅Q版公仔,仲有佢同老公嘅利是封!
今日東網爆出佢有拖拍,撻着6呎「鋼男」Eric,佢喺內地做鋼鐵生意,絕對係筍盤一名,佢哋先拍拖半年!可能李彩華見到戀情曝光,而佢自己又已經結咗婚,畀人爆不如自己爆先,趁情人節公布喜訊,夠晒浪漫!依家有情人終成眷屬,真係恭喜晒!
計劃生兩件
東網聯絡上李彩華,佢難掩喜悅表示:「其實今年2月2日喺內地領證結婚,之後會喺香港和內地都會擺酒。(雙喜臨門?)有好消息一定會同大家講。因為我仲有兩部劇要拍,生小朋友都有計劃,諗住生一至二個。」佢話同丈夫Eric認識咗五年,自去年回復單身後大家見面時間多咗,半年前先開始拍拖,佢話:「去年11月11日,我生日嗰日佢去片場接我收工,突然間跪低向我求婚,真係好感動,我就應承咗。」
李彩華表示婚後會香港、內地兩邊生活,媽媽對女婿都相當滿意,佢話:「媽咪都覺得佢好好,話佢好孝順。成件事我覺得好感恩。」

婚照曝光!

閃婚做埋人妻。

真係夠晒心思!

好靚呀!

索!

仲有兩人嘅利是封,真係有愛!

唯美!

用Q版公仔報喜。

日前兩人喺香港拍拖放閃。