東網電視
更多新聞短片

大家快啲去片睇啦!
1/11
「想圓夢?我哋幫到你!」東網巨星推出全新重量級節目《我和星星有個約會》,每集邀請巨星幫粉絲完成心願,機會可遇不可求,有錢都買唔到!
頭炮邀得歌王張敬軒助陣,被選中的幸運粉絲是Rachel,她希望軒仔教她唱冧爆情歌,讓她可以成功向喜歡很久的男生表白!軒仔聽到後十分樂意,更帶Rachel到自己的豪華錄音室練歌。軒仔教唱歌時即化身嚴師,不時指正對方唱得唔啱音,又傳授了不少唱歌技巧,令Rachel大有進步!
去到最後竟然有個驚天大反轉,Rachel告白的對象令人意想不到,軒仔聽到後都嚇到O嘴!想知道結局係點?咁就快啲去片睇啦!
2,000萬翻新錄音室
張敬軒於2015年接手的雅旺錄音室(Avon Recording Studio)建於1983年,是已故歌手羅文、陳百強、張國榮、梅艷芳,以及王菲、黎明及陳奕迅等的「錄音聖殿」,面積約3,000呎,分為Studio A、B及休息室三部分,熱愛復古情懷的軒仔更不惜投資2,000萬翻新及增設錄音設備。
受訪當日,軒仔帶領Fans參觀布置成舊火車餐卡的休息室,微黃的燈光、原裝的桃及柚木牆身及地板,還有彩繪玻璃枱燈及絲絨梳化等,恍如時光倒流,軒仔說:「有啲嘢都同仙后餐廳(軒仔投資的高級食肆)相呼應,因為附近有間好出名嘅西餐廳叫太平館,好有香港情懷。」
休息室夠特色外,錄音室器材亦是重量級,Studio A控制室的「古董神器」是NEVE 8068 Mixing Console,是他多年前在美國拍賣所得,其成交價曾與一輛全新的法拉利跑車同值!錄音室另有鎮店之寶FAIRCHILD 670 Compressor,有網站曾開價約34.5萬港元放售。

軒仔豪華錄音室,勁巴閉!

加油呀!

呢部機,夠買一架法拉利呀!

靚呀!

軒仔做嚴師教唱歌。

軒仔點解有咁嘅反應?

錄音室內裏裝修都好靚!

攬攬先啦!

仲同粉絲合照添,勁開心!

好有復古感覺!