真正去演戲！許文軒跟緋聞女友麥美恩學嘢

無綫藝人許文軒（Edmond）近日與緋聞女友麥美恩，以及戴祖儀等合作拍攝節目《粵講粵㜺鬼》第四輯。能夠跳出主持框框，Edmond當然躍躍欲試：「節目內會將廣東話詞彙及文化等資訊帶畀觀眾，但就要用戲劇手法包裝。我之前都客串過《老表，你好Hea！》等劇集，不過都係演番主持，今次先係真正咁去演戲，做咗好多從來未試過嘅角色，好似古裝、民初、少爺、小師弟…等，起初都有啲緊張，但好彩有麥美恩等帶住我，真係學到嘢！而我就希望以麥美恩為目標，可以拍多啲綜藝節目同埋更加入屋。」