東網電視
更多新聞短片
各位家長都有唔同睇法。
1/6
23歲日本女星北見直美與父兄共浴一事，在日本當地引起極大回響，而香港影藝界中當了父母的藝人，亦都接受不到這種行為！
黎淑賢：「接受唔到，好核突！我同個囝去旅行，當時佢3、4歲都試過抱住一齊沖涼，但大咗就唔得啦！我第二個囝今年15歲，佢都唔肯同我瞓埋同一張床，長大後一齊沖涼好敏感，性知識都唔係呢個場合教！」
森美：「仔女小學二、三年班都會一齊浸溫泉，但囡囡二、三歲就冇一齊沖涼，囡囡大個要教佢男仔同女仔有別，細路仔沖完涼成日唔着衫周圍走，所以要教佢一定要着衫。囡囡六年班已開始唔肯太親密，早上Goodbye kiss都唔畀你錫嘴仔，只畀你錫面，公眾場合就直頭唔畀錫。」
已有4個月大兒子的李悅彤（Liddy）：「我接受到係囝囝五歲以下都可以一齊沖涼，再大就唔好喇！因為依家啲小朋友好早熟，佢哋上網就接觸到，冇過濾過，返到學校又會同同學攞啲嘢嚟笑，所以大過五歲就會同番爸爸沖，咁其實好多知識都盡量趁佢細個時教育，例如點保護自己。」
已有11個大女兒的楊潮凱表示現時有跟女兒沖涼，但最多只接受到女兒三至四歲時，他說：「再大就有啲尷尬，如果話個女去到十幾歲的話，我自己接受唔到，人哋嘅事就唔方便評論。」
楊潮凱、李悅彤咁樣睇！
黎淑賢話接受唔到日本女星父兄共浴，直指好核突。
楊潮凱有同11個月大囡囡沖涼。
森美話囡囡六年班Goodbye kiss都唔肯喇！
李悅彤接受到喺囝囝五歲以下一齊沖涼。
