東網電視
更多新聞短片
何慕詩話好好奇北見直美自細接受乜嘢教育！
1/5
日本23歲女星北見直美自爆經常與父兄共浴，並公開短片，引起網民熱議。專業性治療師及兩性關係輔導員何慕詩對此表示：「我諗香港少見啲，所以香港市民會接受唔到，我唔係太了解呢件事，唔知人哋家庭文化點樣，好難去話人哋。」不過她建議：「家長應該令小朋友成長期開始明白身體屬於自己，唔好畀人睇，家長去到仔女某個年紀，就算關係再親密，都要識避忌。」
被問到這種情況可會影響女兒的性觀念？何慕詩坦言：「如果喺正常環境成長，好難相信女仔呢個年紀會唔介意同爸爸沖涼，因為一路長大，社會都會灌輸有乜嘢係舒服，有乜唔舒服。」她又指若然一個23歲的香港女生沒有這個觀念，她會感到很奇怪：「好奇佢自細接受乜嘢教育，點教佢兩性關係，所以我對呢件事都有太多問號，但又太少資料。」
外人難批判
至於兄妹間經常見到對方的裸體，會否令他們容易有性功能障礙或對異性身體失去興趣？何慕詩指事件有太多未知因素，故很難分析：「哥哥同妹妹對對方裸體完全冇反應嘅話，咁的而且確有可能係哥哥對其他女性都冇感覺，因為佢冇咗性愛嘅概念喺腦中，因為問題係要兄妹成長過程裏面，對性同裸體完全冇概念，佢哋先會完全覺得呢件事冇問題。」她又指出另一可能：「如果唔理上文下理，例如兩夫婦，老公成日見到老婆裸體，代唔代表老公對女性或裸體失去興趣？其實唔會，當中仲係有愛存在。」
講到外人對事件表現反感，何慕詩說：「無論係家庭關係、情侶關係定夫妻關係相處，如果冇人受到傷害，傷害講緊係生理、心理與情緒上，如果冇人覺得困擾的話，其實某程度上都唔輪到外人去覺得有問題嘅。」如果事件中有人感到不舒服而求助，她就表示：「睇吓邊個嚟見我先？係媽咪定個女？需要了解番個家庭狀態先。」
何慕詩認為當仔女去到某個年紀，同家長就算關係再親密都要識避忌。
不過何慕詩指如果當事人冇覺得困擾，其實都唔到外人去覺得有問題嘅…
何慕詩話對呢件事都有太多問號喇！
何慕詩建議家長應該令小朋友明白身體屬於自己。
