操肌戒口　黃致豪打造港版The Rock

藝人黃致豪（前名：黃長興）到尖沙咀自己投資的餐廳接受訪問，對飲食極有研究的他表示現在只剩下這間餐廳的生意，原因是希望將更多時間放在演藝工作上。問搞食店是否好賺？他說：「都唔係㗎！睇下同幾多人夾，呢間同四位朋友夾，都唔係當係一個好大嘅收入來源，我希望今年拍更多電影同網劇，所以未必分到咁多時間。」

由於下月將參演網劇飾演健身教練，最近他再操肌，而日前將做gym超大隻半裸相放上網，他說：「我希望可以Keep番大隻身形，好似外國諗起大隻佬，會諗起The Rock，香港希望諗起我。（飲食方面咪好慘？）之前試過一排係夜晚匿埋食雞胸烚菜咋！不過有成果之後再保持住就唔會咁辛苦，可能一個星期有一日放肆下。」