東網電視
更多新聞短片
袁富華話當年為患有腦萎縮嘅兒童表演後，返到屋企大喊。
1/4
演員袁富華下午到電台受訪，感性的他重提二十多歲時為患有腦萎縮的兒童表演：「佢哋唔能夠活動自如，完成演出後我返屋企大喊，明白自己比好多人幸福。佢哋影響咗我人生觀好多，好似一群天使咁送咗份大禮物畀我。」
遇航空公司罷工
談到獲提名金像獎「最佳男配角」時，他與另一半身在台灣旅行，袁富華搞笑說：「首次乘搭某航空公司，竟然遇上罷工，結果我要喺台北搭高鐵落高雄，好似行大運咁，不過可能因為咁，先有提名囉！」他預告另一半屆時不會陪同他出席盛會：「改由劇組陪我行紅氈。（諗定謝詞未？）會準備，雖然唔知有冇獎攞，但演員要做好準備功夫。」
獲獎後微調片酬
刻下有三套電影在手的他還要抽空為5月舞台劇演出作綵排，忙得分身乏術，當問到得金馬獎後有否調整片酬？他大方透露：「有微調，依家朋友幫我傾工作。大家好好，冇壓我價。其實仲有啲其他工作，不過因為撞咗期，所以先冇接。」
----------------------------
東網巨星開咗ig喇，大家快啲follow啦！
袁富華表示班小朋友影響咗佢人生觀好多。
令佢明白到自己好幸福。
袁富華獲提名金像獎「最佳男配角」，佢表示雖然未知有冇獎，但都會準備定謝詞。
