減10磅！陳展鵬陪佗B單文柔食好西肥咗

藝人陳展鵬在將軍澳電視城為劇集《唐人街》拜神，他透露早前肥了十多磅，是人生最高峰的磅數，連化妝後也覺得面腫腫，於是的起心肝靠食健康食物，一個月減去10磅，他說：「唔係賴，太太（單文柔）好鍾意食西餐，就陪佢食啦，所以肥咗好多，但一拍劇就要努力減番。」

他在戲中有不少動作打戲，重頭戲與陳山聰、伍允龍有場監獄擂台搏擊戲，問到快將為人父，拍動作戲可會小心點？他說：「反而拳頭打戲係好安全，元秋、伍允龍佢哋都係打得之人，打起上嚟識得好留手，最容易受傷嘅吊威吔、跳躍戲反而唔多。」講到陳山聰與姚子羚的激情戲咀到啜啜到聲，陳展鵬則笑言與唐詩詠的感情戲會比較含蓄，具體還要看劇情發展。