鄭中基畀陳漢娜怒摑嗌爽：叫佢唔好留手！

藝人鄭中基到紅磡出席電影《遺愛》開鏡拜神儀式，片中他飾演警察追查有關胡子彤及陳漢娜的案件，他表示劇情沉重，但第一次拍真人真事改編的電影，感到十分興奮：「個故事好慘，當然要改得更加戲劇化。（有冇抽離唔到？）都唔會，我多數半夜拍到第日下午返，個仔都返緊學，我瞓醒就冇事，而且我飾演串連件事嘅人，佢哋會慘啲。（拍呢類題材係咪想攞獎？）我希望導演攞到，真係寫得好好。（片酬係咪收平咗好多？）冇乜點計，想支持新導演同埋好鍾意個劇本。」講到昨晚被陳漢娜怒摑，他笑言好爽：「爽呀！叫佢唔好留手，因為驚要打多幾下，點知佢唔留手，都係要打多幾下。」

講到政府撥出10億港元支持電影發展基金，他直言是好事：「當然係好事，韓國娛樂事業咁成功，都係因為得到政府支持。」