補擺喜酒招風雨 鄭伊娜潘敬祖努力造人

2019年03月13日 07:45
東網電視
更多新聞短片
鄭伊娜與潘敬祖在主題公園補擺婚宴…

藝人鄭伊娜(Ena)同創作歌手潘敬祖(Felix)喺主題樂園補擺喜酒並進行簽字儀式,貴人容易招風雨,原本舉行戶外派對,最後移師到室內進行。喺舉行婚禮之前兩位仲化身公主王子影靚相,Ena說:「但其實影相時間都唔係好夠,因為要搬番啲嘢入去室內再Set過個場,原本有一個鐘影相,但最後得番廿幾分鐘,好彩攝影師好專業,喺咁短時間就已經影到靚相。」

為咗婚禮忙咗幾晚通宵嘅Ena話好多謝大家出席:「好感恩遇到絕世好男人Felix,婚禮所有嘢例如禮物、囍帖、相冊、相紙、影片、演出安排等都係親力親為,通宵咗好多個晚上,但一切都係值得。」而Felix就話因為當日太忙唔可以逐一同朋友傾偈,希望遲啲再約大家食飯。Ena同Felix話婚後會努力造人,因為佢兩個都好鍾意小朋友,所以希望會好快有好消息同大家講!