陳俞希出埠「偷食」唔使埋單

ViuTV藝人陳俞希（Hailey）近日同強尼主持全新飲食遊戲節目，節目會邀請多對藝人做參賽者，包括情侶檔上陣嘅黃奕晨同女友吳嘉熙（Cheronna）、歌手小肥同好友張紋嘉等等，佢哋兩個人一組，然後同另一組對賽，Hailey說：「每次嘉賓要估吓每道餸幾多錢，輸咗嗰隊就要埋單。」

身為「為食妹」嘅Hailey仲話有得主持呢類節目，感覺非常開心，佢話：「好有口福，因為兩team對賽，做主持可以兩邊餸菜都食到，我有偷食，因為我都幾為食。」佢仲透露每一集都會去唔同嘅餐廳覓食，包括食秘魯、拉丁美洲菜等等，除咗歎美食，又可以考嘉賓飲食知識，一舉兩得！