演而優則監！吳君如做蘇樺偉阿媽

藝人吳君如出席「天下一電影巡禮」，她將任監製及演出新片《媽媽的神奇小子》，她台上笑言要演蘇樺偉（殘障運動員），不演蘇媽媽。她受訪時說:「好為難，因為我冇演過阿媽嘅角色，仲係蘇樺偉阿媽！我現實個女都係12歲咋。（怕演過一次阿媽以後就演阿媽角色？） 咁我明明仲好chok嘛！」

問是否情願做蘇樺偉也不演蘇媽？她笑言當然是演蘇媽，剛才導演台上講出來都是想要她演。可會與真蘇媽見面？她說：「暫時唔會，因唔想見咗反而有影響，咁故事係改編自真人真事，去跟角色去演就得，當然有需要時都可以見吓。」她表示蘇樺偉一角仍未有人選，所以會進行海選找合適人。

講到她任片中監製負責聯絡老闆古天樂攞製作費，她稱當年拍《金雞sss》都是找古仔投資，亦是幫他公司第一部賺錢的電影，所以見到古仔有今日成就都好開心。古仔畀錢好疏爽？她謂：「佢都係答得啦，因係對我哋合作咁多年嘅信任嚟。」