東網電視
更多新聞短片
So sweet！
1/11
藝人布偉傑同太太Celia日前一齊舉行生日會，邀請圈中好友可嵐及喬寶寶等人出席，因為布偉傑同Celia生日只係相差兩日，所以決定一齊搞，好讓朋友唔使走兩場。他說：「我係23號生日，太太就係25號，所以揀24號呢個中間日子舉行。（有咩特別主題？）冇特別主題，亦都係唔想賓客為咗迎合個主題而諗爆頭着咩衫，另外我哋邀請朋友時都叫佢哋唔使送禮，費事搞個生日會令大家有壓力要買乜禮物。（有咩生日願望？）大家開開心心，因為生活太複雜，開心最緊要。」
今次生日用了唔少氣球作為布置，原來一切都係由Celia親自去設計同布置，她說：「近來我鍾意扭波，所以都想試吓去布置場地。其實唔難，一開始已經有概念，但好花時間吹氣同調整，一共用咗8個鐘。」另外，Celia又話唔想太浪費，所以現場所用嘅餐具都問酒樓借，因為唔想用即棄餐具，為環保出一份力！
----------------------------
東網巨星開咗ig喇，大家快啲follow啦！
可嵐（右一）都有出席。
好恩愛。
布偉傑老婆親自布置場地。
優雅又溫馨。
布偉傑叫賓客唔使送禮。
生日快樂！
用咗好多波波。
一齊慶祝好開心！
大合照
好有心思。
