東網電視
更多新聞短片
有另一半嘅要學吓嘢喇！
歌手孫耀威（Eric）今日現身電台宣傳新歌《愛的故事（沒有下集）》，他表示是「愛的故事」系列的完結篇：「25年前推出上集同下集，自己都好想知道故事嘅完結篇會係點，就同Wyman（黃偉文）傾，佢就講到其實愛係一個圓圈，冇終點、完結，係歷久常新，每朝起身都係一個新開始。」續指有為新歌拍攝名為《圓》的微電影，惟劇中老婆因絕症而死，啟發到他即使人離開後，留下的愛都會繼續影響自己。
烏龍事引老婆笑
講到同老婆陳美詩（Macy）日前拍拖10周年，問到二人有何「保鮮」方法？Eric笑說用「搞笑」：「行到10周年都好感恩，喺呢個世代都應該換咗幾次畫，我哋唔係好典型嘅甜蜜，但每日都充滿笑聲。」繼而自爆烏龍事：「我成日都唔記得拉褲鏈，我可以喺商場成條褲鏈打開，佢見到就會勁笑。（笑完先提你拉番？）佢點都會留番畀自己嘅！仲有嘅係我食親咩都好快，好似小朋友食到成身都係，食小龍蝦一剝個蝦頭會飛去隔籬台，但Macy選擇取笑，而唔係鬧我。」
開Live輕鬆袋7位數
近期Eric跨界做網紅，於內地直播平台開Live兩小時就穩袋7位數字人民幣，問到「收入」可觀？他反指意想不到同時間有幾百萬人收看：「係無地域限制歌友會，都係唱吓歌、宣傳吓，大約一個月都係做一、兩次，覺得營運一個個人電視台係大趨勢，所以的起心肝去做。」又大爆該平台特意為他發明人工智能「彈幕」，他成為首位使用新功能藝人：「之前開Live啲留言會遮住我個樣，依家啲留言就可以用到左耳入右耳出咁。」
