廖子妤感冒發燒　惹埋余香凝

藝人廖子妤（Fish）抱恙出席電影首映，她透露已病了個多星期，身邊同事及好友余香凝（Jennifer）也被傳染：「我最初係喉嚨痛，後來感冒同發燒，我同Jennifer有工作合作，呢幾日都見到佢，佢話尋日開始喉嚨痛，全公司嘅人見到我都戴口罩。我今日終於去咗睇醫生，之前以為好少事，點知一直唔好，我今日睇咗中醫，順便調理身體，因為我身體好差、虛到爆。」

Fish將於本月31日生日，她稱未有計劃如何慶祝，自嘲是孤獨精及不會為自己生日大肆宣傳，之前兩年與朋友去野餐慶祝。至於今年，由於朋友都很忙，可能與身在馬來西亞的家人視像慶生。