好多女藝人？翟威廉預告Happy Live搞船P

翟威廉（William）於big big channel開「Happy Live」直播兩年，反應相當不俗，早前，他舉行粉絲聚會，一呼百應，有近百粉絲到場，相當熱鬧！對於大家如此支持「Happy Live」，William表示：「好感謝所有網民嘅支持，兩年前用一個電話做起，只有我、周志文、周志康三個人， 呢兩年經歷好多變化，除咗由自己玩下直播嘅心態，變成比較有規模嘅音樂直播之外，亦都加入電視節目嘅元素，例如係常識問答呀、愛情經歷分享咁，之後，仲有發展埋電競項目，變化都幾多。」

William除了多謝一班觀眾的支持之外，亦很感謝一班好同事的幫忙，他謂：「好多藝員、歌手同事都願意嚟參與，幫我哋注入新鮮感，現時會出到嘅直播平台，除咗最主要嘅big big channel外，仲會有其他社交平台，更加多元化。」

談到未來有甚麼新的計劃？William表示；「都有㗎，希望可以令到Happy Live更豐富，同埋吸引一班有興趣喺網絡世界活躍嘅藝員歌手加入一齊合作。而搞夏天遊船河直播騷，會喺我哋好期待嘅節目，希望之後可以有個更大規模，除咗歌手藝員之外，仲有一啲做開網絡嘅達人一齊嚟玩。」