網民熱議囝囝割包皮　Pink鬧爆：你哋好X噁心

美國歌手Pink日前於社交網上載與仔女度假的合照，當中兩歲囝囝Jameson的私密部位坦蕩蕩曝光，成為不少網民焦點，當中更有人放大相片並留言質疑Pink為何為囝囝私下決定做割包皮手術。言論令Pink大為震怒，她急急刪相再上載「打格版」，撰長文反擊，爆粗鬧爆網民唔對路，又表示：「講我囝囝嘅下體？有關割包皮？你講真？作為一個身處沙灘嘅正常媽媽，我直情留意唔到佢已經除咗條游泳尿片，我刪咗之前張相係因為你哋好X噁心，而家直情閂埋留言功能！」明言對社交網以及「鍵盤戰士」勁失望！不少粉絲留言支持Pink，鬧爆涉事網民多事又變態！