林峯事隔两年再开骚　预告爆衫又爆裤

艺人林峯相隔两年再踏演唱会舞台，将于5月11日假澳门威尼斯人金光综艺馆挑战四面台举行一场《Heart Attack林峯演唱会》。日前在个唱宣传活动上，重温个唱的精彩花絮片段，片中半裸的他拥有六旧腹肌完美身材，主办单位英皇娱乐特送上一篮番薯祝他收身成果更进一步，而现时身材甚fit的他，自言未达最佳状态，频说：“尽力尽力，块面就ok。”<br/><br/>食蕉顶肚<br/><br/>林峯的澳门个唱门票，将于4月4日公开发售，不过他却闻：“话网上已经有飞买，所以想提醒买飞嘅朋友要小心啲。”又说在忙筹备个唱期间，又要返内地赶拍《寻秦记》电影版，加大了Keep Fit难度，他无奈说：“我系易肥易瘦体质，所以要小心控制食量，腹肌系有记忆嘅，依家都有六旧，但除衫争少少，咁开工要energy，但又要冇啖好食。（食蕉顶肚？）有蕉食已经唔错，蕉有糖分其实唔食得，都系食烚鸡肉，希望内地有走地鸡。”<br/><br/>问到今次澳门场可会加料？他预告：“会着衫，爆裤啰，呢样要睇服装师决定，老实讲练下身易过练上身，上身好难收，练对脚就推重嘢就得，好多跳舞部分，为加强体能，返内地拍戏时会带埋健身教练操，运器材就难啲，睇吓拍戏附近有冇健身中心。”<br/><br/>唔提女友<br/><br/>问届时屡传婚讯的内地模特儿女友张馨月可会到澳门捧场？他指家人应会到场，但不愿提女友：“都话咗以后唔讲另一半嘅嘢，唔好要我咁烦啦。（结婚都唔讲？）呢啲顺其自然，唔使分享，多谢关心。”完成澳门演唱会后，6月将在内地举行三站演唱会，现计划明年再举行大型巡唱，他说：“旧年一路拍影视嘅作品，年几冇喺舞台上，一路想以歌手身份喺舞台上报答支持我咁多年嘅fans，想喺广东省以外嘅地区，直接带个骚畀内地唔同城市嘅fans睇。”<br/><br/>问到回归无綫拍《使徒行者3》剧集，可会跟隶属无綫的星梦唱片公司合作？他指：“有份唱主演嘅剧集主题曲都会合作，不过我同无綫合作系视乎剧本同角色有冇得发掘落去，我只签咗古天乐一间经理人公司。”