成功不容易！朱熺暘抱緊宗旨：永不放棄

三位非凡女性林恬兒、呂嘉瑩和眼鏡設計師朱熺暘RENÉ CHU，早前為法國品牌CHAUMET最新推出的腕錶Boléro系列，拍攝「Successful Women, Redefined」為主題的照片及短片。今日三位齊齊現身品牌舉行的新錶發布酒會，其中呂志和孫女呂嘉瑩戴上38萬元首飾及手錶出席，但沒有受訪。朱熺暘RENÉ談到其設計的眼鏡深受不少明星如郭富城、范冰冰、吳雨霏、崔始源等愛戴，她開心多謝他們的支持。

問到創立品牌不容易，有何成功之道？她說：「最重要唔好放棄，自己做生意，遇過好多困難，有好多變數，最重要唔好放棄。（點樣分配工作與家庭嘅時間？）依家主力放喺事業，因為暫時未有另一半。」

而企業家林恬兒透露每個女人都愛首飾，她亦不例外，更是收藏家，當中最有價值得是老公所送的求婚戒指。對於今次為品牌拍攝，她說：「我覺得好有意義，今次好突出女企業家呢個主題，自己都有開投資公司，都係投資女企業家身上，好啱呢個主題。」已有一仔一女的她問到如何分配工作及家庭的時間，她說：「我啲小朋友仲細，會以佢哋為先，家庭第一位，工作第二，而我依家做緊嘅工作都係為下一代，係有關環境組織、投資社會企業嘅項目，都算為下一代着想。雖然自己喺投資公司做咗七年，但自己公司剛起步，都有唔少新挑戰。」問到會否再生小朋友，她表示不拒抗。