東網電視
更多新聞短片
莫文蔚同老公好甜蜜。
1/4
女星莫文蔚獲法國殿堂級珠寶鐘錶品牌CHAUMET邀請，出席其全新推出的腕錶Boléro系列發布酒會，莫文蔚戴上共值130萬的首飾及手錶出席活動，高貴優雅。她透露收藏了不少腕錶，由小時候爸爸送贈第一隻腕錶給她時，已有戴錶的習慣，而長大後因工作辛苦時，亦會買錶獎勵自己。她透露對黃金及玫瑰金的款式情有獨鍾：「我唔鍾意啲太誇張嘅錶，係以實用為主。（老公有冇送錶？）我送畀佢多，佢反而會送戒指畀我，每一年送一隻，由結婚開始佢新創嘅慣例，結婚八年至依家都收咗好多隻。（過咗七年之癢？）其實都冇癢過，同老公都仲好sweet，我之前忙工作成日掉低老公，依家見住佢仲係好有拍拖嘅感覺同熱情，小別勝新婚。」
莫文蔚自言過往太投入工作，未能兼顧到家庭，所以將會休息一年陪老公。問到是否因老公詐型？她說：「佢冇，但我自己都要識做。（休息造人？）都幾十歲，唔造啦，好好享受二人世界。」問到是否減產，不再太頻撲？她說：「都會，會出少啲活動，想搞多啲幕後嘅創作工作，例如音樂劇。（有冇心水男主角？）我之前參加大陸真人騷，識咗內地歌手華晨宇，同佢做咗好朋友，亦好欣賞佢唱歌風格，把聲好入戲，都有同佢傾過，如果音樂劇成事，會預佢一份。另外亦會同哥哥（莫理斯）一齊搞電影，但就唔會以投資者身份。」
莫文蔚戴合共130萬首飾同埋手錶，好高貴。
莫文蔚話會停工一年陪老公。
莫文蔚遲啲會搞電影。
