抖氣舔脷難配合！劉浩龍扮狗嗌唔容易

藝人張彥博、吳千語、劉浩龍（師兄）、羅蘭和黃百鳴等為動畫《女皇哥基大冒險》聲演，其中聲演失寵哥基查理的師兄，坦言感到比想像中高難度，他說：「為動畫配音比想像中困難，因為講對白比平時講說話要用更多力，加上又要跟口形，同時兼顧各樣事情，都唔係一下子就可以做到。加上查理本身係一隻狗仔，平時言行舉止都會有抖氣、『舔脷』呢啲小動作，夾雜呢啲聲音去講對白，就更難去演繹。」<br/><br/>師兄更透露，因為配音比想像中坐得耐，結果坐得屁股很痛呢！戲中還有富經驗的黃百鳴坐鎮，聲演狗場惡霸泰臣。近年愛上配音的他，聲演作品一部接一部，今次他扮演的泰臣是一隻拳王狗，所以聲線上要顯得更有「殺傷力」，他說出了當中的竅門：「我配嘅時候特登將聲線壓低，令到把聲變得更兇狠，配合埋畫面，泰臣角色就更加殺氣騰騰。」黃百鳴「變聲」技倆已變得爐火純青，但當中仍保留其獨特的聲音特質，叫人更容易認出他來。