爭最佳新人！陳湛文對曾美慧孜冇性慾

舞台劇演員出身的藝人陳湛文，最近首度參與電影《三夫》，飾演地盤工人的他，與曾美慧孜（小美）多場情慾戲成為焦點，結果順利入圍今屆金像獎「最佳新演員」。

對於勝算，他不假思索表示沒信心，反而睇好小美封后成數高，笑言會把自己一票投給對方。談到首次接觸電影便要應付大量情慾戲，陳湛文不諱言當初擔心導演陳果要求他「真做」，他謂：「我未去到個層次係角色去做定係自己去做，對住鏡頭反應係要點呢？咁易投入就好勁啦！除非食藥，但好傷身，現場9成9都係導演指導，唔係完全自由發揮。（NG？）最高峰16、7 take。（拍到對性麻木？）唔會，好分到，其實同女仔咁親密接觸，男仔尷尬啲。」

問到有否生理反應？陳湛文斷言表示絕對沒有，因拍攝時體力消耗很大，再加上小美增磅，有一場戲更要舉起對方，認真少一點力也應付不來，他笑謂：「我生理反應係肌肉谷大咗，sexual絕對冇。」

髮型:Perry Law @ WP Salon