仔仔百日宴　沈可欣楊證樺趣致家庭裝襯到絕

無綫藝人沈可欣去年年尾為老公楊證樺再誕下一子Sean，一家四口樂也融融。話咁快細仔Sean就已經滿100日，呢日兩公婆為囝囝喺主題樂園大搞百日宴，唔少圈中人如前港姐寇鴻萍、無綫藝人鄧永健等都有出席，各人上載大合照至社交網，相中見佢哋三個大玩家庭裝，沈可欣及楊證樺着上同米奇老鼠嘅公仔衫，而Sean就以黑色衫、紅色褲加黃色襪仔，「神還原」Cosplay米奇老鼠，一家人襯到絕。網民話囝囝Sean面圓圓、肥嘟嘟咁，真係勁可愛！