麥子樂咩戲都睇咩戲都演

2019年04月09日 23:56
東網電視
更多新聞短片
麥子樂鍾意睇獨立電影。

藝人麥子樂出席電影活動,他表示向來喜歡看獨立電影,格言是「咩戲都睇,咩戲都演。」曾扮演智障人士及同性戀等角色的他,被問到還想挑戰哪種角色?他說:「唔可以講咩角色想挑戰,我唔會抗拒我演過嗰啲類型嘅戲,就算演警察,都唔係個個警察一樣,可以係好唔同,角色係跟劇本行。」

講到他有份主演的ViuTV劇集《詭探前傳》將於月底推出,硬撼正在TVB熱播,由惠英紅、姜皓文及袁偉豪主演的《鐵探》,問到是否有信心?麥子樂說:「係兩個劇種,我哋屬於懸疑片,卡士都好強,有秋官(鄭少秋)喎!(點拉啲觀眾睇你套劇?)唔使拉,大家都想香港電視台多啲競爭,多啲嘢睇,而且追劇嘅模式唔同咗,可以兩套都睇。」

另外,同場的新進藝人顧定軒指剛完成新片《冥通銀行特約:翻生爭霸戰》拍攝,他透露該片有喜劇成份,所以拍得好開心。問到他的角色是否需要搞笑?他說:「我喺戲入面係個悲劇人物,因為自殺,去到陰間要被罰做苦力,之後識咗黃又南,發生好多蝦碌嘢。(覺得自己拍喜劇得唔得?)想拍喜劇好耐,其實我成日被人笑,雖然我唔係好幽默,但中學時被同學笑我似河童,可能因為我好瘦,加埋髮型同棚牙未箍好,呢個花名好多年,我當時唔開心,但大個咗之後我學識欣賞河童,都幾得意。」