麥當傑開戲：古天樂以前係演員依家係老闆

活躍於80至90年代影壇的導演麥當傑現身灣仔藝術中心出席電影活動，笑言自己對上一部作品已是1997年，雖然逾20年未有新作，但他一直未有放棄過創作，最近撰寫劇本準備開戲，但認為最困難是找投資者：「遇唔遇到伯樂欣賞我哋，要睇緣分，因為好嘅老闆都去晒天堂，我哋以前嗰輩一講條橋，老闆就話『好，掂呀，就係咁！』演員就用新人，出嚟有震撼性，好多奇跡，但依家咩都數據行先，要搵出名嘅大明星，以前嘅電影有好多奇跡，又有午夜場、子夜場，觀眾係我哋嘅老闆，定我哋嘅生死，但依家唔係，題材比較難諗。」

麥當傑於90年代曾執導三級《肉蒲團》曾經成為熱話，他表示最近亦有留意電影《三夫》，不過自己不局限於此題材，甚麼種類都可以拍，但要考慮中國市場。問新劇本題材是否會好踩界？他說：「都唔一定，香港人都想睇啲地道電影，但部片去到大陸就唔得喇！（會唔會搵古天樂做投資者？）以前我係導演，佢哋係演員，依家係老闆，感覺好古怪！」